Një ditë më parë Shqipëria dërgoi në Itali 30 mjekë dhe infermierë për të ndihmuar fqinjët që po përballen një situatë të rëndë për shkak të koronavirusit. Lajmi mori vëmendje të madhe ndërkombëtare dhe u vlerësua si një gjest i lartë solidariteti prej një vendi të vogël, por me zemër të madhe e që nuk e harron kurrë kontributin e Italisë në ditët tona më të vështira. Por duket se nuk mbaron me kaq.
Bashkia Gjirokastër mbrëmjen e sotme në Kalanë e Argjirosë kishte projektuar një flamur të madh të Italisë, si homazh për mbi 10 mijë viktimat nga Covid-19 dhe betejën e cila vijon ende. Tri ngjyrat e flamurit italian shiheshin me sy të lirë nga pjesa më e madhe e qytetit. Natyrisht që kjo është diçka modeste dhe mbase më e pakta që mund të bëhej për fqinjët tanë, por simbolika është fortë. Mesazhi është i qartë; solidaritet me Italinë dhe kurajo për të lënë pas të keqen që po na mban mbyllur. Ne do ia dalim!
©argjirolajm.net
