Policia e Gjirokastrës ka proceduar në prokurori shoferin i cili një ditë më parë aksidentoi oficerin e policisë kufitare në Kakavijë. Ngjarja ndodhi në vendin e quajtur ‘Ura e Kakavijës’. Oficeri Shkëlqim Lile nga Libohova ishte në krye të detyrës, duke shoqëruar disa klandestinë sirianë, por u godit nga makina e cila drejtohej prej shtetasit Arjan Kusho, 43 vjec, banues në Gjirokastër. Fatmirësisht punonjësi i policisë është jashtë rrezikut për jetën në spitalin e Gjirokastrës. Më poshtë njoftimi i sotëm i Policisë Gjirokastë për procecimin e shkaktarit të aksidentit.
Drejtoria Vendore e Policisë Gjirokastër – Seksioni i hetimit të ngjarjeve në qarkullimin dhe AIS
Më datë 26. 08. 2018, u referuan materialet në Prokurorinë pranë Gjykatës së Shkallës së Parë Gjirokastër, për shtetasin Arajon Kusho., vjeç 43, banues në Gjirokastër, pasi në aksin rrugor Kakavije – Gjirokastër, te “Ura e Kakavijes”, duke drejtuar mjetin tip “Volkswagen”, ka aksidentuar punonjësin e policisë kufitare ne Gjirokastër, Shkëlqim Lile., vjeç 44, banues në Libohovë, Gjirokastër, i cili ndodhet në spital jashtë rrezikut për jetën. Neni 290 i Kodit Penal.
