Gjirokastër, gruaja nga ‘Dunavati’ ‘bën për 1 lek’ Zamira Ramin në mbledhjen e Këshillit Bashkiak (VIDEO)


Na ndiqni në Facebook, Instagram dhe Youtube:
  • Facebook
  • Instagram
  • Youtube

Në mbledhjen e sotme të Këshillit Bashkiak Gjirokastër, ishin të pranishëm edhe një grup banorësh të lagjes ‘Dunavat’. Ata shprehën ankesat e tyre te kryebashkiakja Zamira Rami, për mungesë linjave të shpeshta të transportit urban, si dhe probleme të infrastrukturës. Një grua e moshuar i tha Ramit se në lagjen e saj nuk është bërë asnjë gjë dhe se ujërat e zeza përzihen me ujin e pijshëm.

“Në lagjen ‘Dunavat’ asnjëherë s’keni vënë dorë. Pijmë ujë të pistë, me ujërat e zeza. Nuk pihet ujë aty. Askush nuk ka vënë dorë. Jemi të sëmurë, jemi pleq. Dua të vete të vizitohem, por s’vete dot. Sot jam ngritur nga krevati që mora vesh, që erdha këtu të të them”, u shpreh zonja.

Ndërkohë kryebashkiakja u përgjigj se probleme me ujërat e zeza ka e gjithë zona historike e Gjirokastrës dhe se zgjidhja mund të vijë vetëm me investime madhore.  Rami shtoi se janë në bisedime me Bankën Botërore, pasi bashkia nuk ka buxhet për ndërhyrje të tilla. Në këto kushte banorët e ‘Dunavatit’ do duhet të vazhdojnë të bashkëjetojnë me ujërat e zeza që enden rrugëve.

© ArgjiroLajm.net