Adelina Loloçi dhe Teohor Barka, dy punonjës të Ndërmarrjes së Trajtimit Studentor Gjirokastër akuzojnë drejtoreshën e tyre Doriana Demo për largim të padrejtë nga puna.
Ata pretendojnë se largimi i tyre është bërë për shkaqe politike, prandaj e kanë cuar cështjen në Gjykatë.
Për rastin e Teohar Barkës, Gjykata e Shkallës së Parë Gjirokastër ka dhënë vendim se largimi i tij nga puna ishte i padrejtë, ndërsa për Adelina Loloçin cështja është në shqyrtim.
Vetë punonjësit hedhin akuza të rënda ndaj drejtoreshës Doriana Demo, duke përmendur gjithashtu edhe rrogën e saj 1.5 milion lekë të vjetra në muaj. Sipas tyre largimi nga puna është bërë i qëllimshëm për t’i hapur rrugë emërimit të njerëzve pranë drejtoreshës Demo.
Ndërkohë nga ana tjetër vetë drejtoresha Doriana Demo pretendon se për lëvizjen e dy punonjësve ka zbatuar ligjin dhe Kodin e Punës. Ndiqni më poshtë dëshminë e dy punonjësve për Channel 7.
©argjirolajm.net
