Për të gjashtin vit radhazi, në Shqipëri do të organizohet gara me makina, Princess Rally, por ndryshe nga edicionet e kaluara – për shkak të suksesit të garave të mëparshme – për herë të parë, këtë vit formati i Princess Rally Albania do të jetë më i madh.
Princess Rally është një garë me makina, e krijuar posaçërisht për vajzat dhe gratë. Gara do të zhvillohet më 23-24 nëntor dhe itinerari do të jetë Tiranë-Gjirokastër.
Për të tjera detaje, mund të drejtoheni në website e Princess Rally, ndërsa për t’u regjistruar në garë klikoni këtu.
Pak informacion:
Në mesin e shekullit XX, një nga ngjarjet më të mëdha sportive në Saint-Raphaël në Var, Francë, ishte gara me makina, që zhvillohej nga Parisi për në Saint-Raphaël. Gara u krijua nga konti Edme i familjes Rohan-Chabot dhe në vitin e saj të parë, pati në qendër gra të aristokracisë dhe anëtare të familjeve fisnike në Paris.
Asokohe, vëmendjen e tërhiqnin veshjet e grave, të cilat kombinoheshin me makinat dhe gjithçka konceptohej si një ansambël. Sot, dekada më vonë, gara është shndërruar në një ngjarje me të vërtetë sportive.
Që prej vitit 1929, Princess Rally është organizuar pothuajse çdo vit në shumë vende të botës, duke përfshirë këtu edhe vendin tonë.
