E mbani mend Edi Boyom, mbrojtësi i qendrës që në Gjirokastër u kthye në personazh? Pas Gjirokastritëve, shtatlarti luajti me skuadrën e “Al Vatani”, në ligën e parë të Arabisë Saudite. Boyom la gjurmë në Superiore dhe ishte një nga shtyllat e forta të mbrojties bluzi. Boyom nuk u largua mirë nga Gjirokastra, pasi si edhe e konfirmon vetë në intervistën e dhënë për “Vipsport.al”, klubi gjirokastrit ka pasur shuma të konsiderueshmë për t’i shlyer. Por, duke qenë se nuk është shlyer në kohë është drejtuar me një padi në FIFA. Ndonëse larg futbollit shqiptar, ai ka pasur, oferta, dy nga Superiorja dhe dy nga Kategoria e Parë…
Edi si është e vërteta e borxhit me Luftëtarin?
Po, klubi I Luftëtarit më detyrohej dhe duke qenë se nuk po më shlyente sipas marrëveshjes që ne kishim bërë, atëherë agjenti im u detyrua që ta ndjekë çështjen në rrugë ligjore në FIFA.
Çfarë ndodh në këto momente?
Klubi i Luftëtarit ka filluar që të më shlyejë, por unë kam ende shuma të konsiderueshme për të marrë. Ata më kanë need borxhe.
Si ishte për ju eksperienca në Shqipëri?!
E bukur, luajta me një ekip me traditë, kam dhënë më të mirën time dhe besoj se kam lënë mbresa. Jo më kot kam maarrë edhe oferta nga disa klube shqiptare…
Cilat janë klubet që ju kanë kërkuar?
Kisha oferta nga dy skuadra të Superiores së Shqipërisë, mjaft të njohura por edhe dy ekipe me pretendime në Kategorinë e Parë. Një prej tyre është Bylisi i Ballshit. Por, mbetën thjesht tratativa.
Aktualisht ku po luani?
Ndodhem në Kamerun pranë familjes sime për një problem, jam lojtar i lirë, por së shpejti do të gjej një ekip të mirë ku edhe të vazhdoj karrierën./vipsport.al
