Fuga: 11 pyetje për Lulzim Bashën


Na ndiqni në Facebook, Instagram dhe Youtube:
  • Facebook
  • Instagram
  • Youtube

Profesori i komunikimit, akademiku Artan Fuga, është shumë aktiv në rrjetin social ‘Facebook’, në lidhje me aktualitetin, sidomos atë politik në vend.

Së fundmi, Fuga i është drejtur me 11 pyetje lidershipit të opozitës, kreut të PD-së, Lulzim Bashës.

11 pyetje lidershipit opozitar
————
Opozita ka thirrur popullin që refuzoi të shkonte në votimet moniste të 30 qershorit në shesh!

Por, të shohim!

A do të shpalosi dot lidershipi opozitar një strategji dhe masa veprimi politik konkrete, të afërme, apo vetëm do t’i thotë popullit opozitar se ai i refuzoi votimet, se pushteti është i inkriminuar, se shqiptarët po ikin, se fajin e ka Edi Rama, se kutitë e votimit kanë më shumë fletë votimi sesa votues, etj., ç’ka tashmë janë ezauruar!

Puna është të dihet se çfarë propozon opozita si model aksioni politik për stinën e verës dhe pastaj për vjeshtën!

Se bashkë me gushtin ikën dhe vapa!

Deri tani sikur nuk shihet ndonjë formulim i qartë! Duket sikur mendohet, mendohet, mendohet!

Te shohim çfarë do të shpalosi nesër në shesh!

Eshtë për hapjen e kutive të votimit sikurse kërkoi z. Klement Zguri apo jo?

Çfarë duhet të bëjnë kryebashkiakët e djathtë tani që mandati i tyre ka përfunduar?

I ka përjashtuar deputetët që vijnë nga listat në Kuvend apo i njeh ata si të vetët?

Do t’i drejtohet apo jo organeve të drejtësisë për rastet e mbushjeve të paligjshme të kutive të votimit?

Çfarë do të bëjë me të dhënat e raportit të OSBE – ODHIR-it dhe konstatimet e paligjshmërive në procesin elektoral te partnerët ndërkombëtarë?

Eshtë apo jo për zgjedhje të përgjithshme të parakohëshme dhe me cilat formula?

Çfarë kodi të ri elektoral propozon? Sepse aty është sekreti! Krejt aty!

Eshtë apo jo për bisedime me aktorët e tjerë politikë të vendit? Se politika është edhe dialog! Cfarë të keqe ka të dialogosh me transparencë, në sytë të publikut dhe pa përjashtuar partnerët e tjerë politikë?

Do ta zbatojë apo jo dekretin e Presidentit për zgjedhjet e 13 tetorit?

Eshtë dakord apo jo me shqyrtimin në Kuvend të shkarkimit të Presidentit? Do ta mbrojë apo jo Presidentin e Republikës?

Ka ndërmend të konsultohet me forumet e gjera të partisë apo nuk e ndjen të nevojshme për ta bërë këtë?

Pa fund pyetje që opinioni publik pret të dëgjojë, si para ekranit të tv si në shesh!