Flet Monika Kryemadhi: Rama është problemi, por s’po flasim për të birin e Kristaqit dhe Anetës. Nuk futemi në zgjedhje me të


Na ndiqni në Facebook, Instagram dhe Youtube:
  • Facebook
  • Instagram
  • Youtube

Kryetarja e LSI, Monika Kryemadhi në një deklaratë për mediat pas firmosjes së marrëveshjes me 10 pika për koalicionin opozitar, me PD dhe aleatët politikë, u shpreh se kjo ditë marrëveshje është flamuri i shpresës për të gjithë shqiptarët.monikaaa . Ajo tha se nuk ka asnjë tërheqje dhe se nuk do të futen në zgjedhje me Edi Ramën si kryeministër.

“Aksionit opozitar i shtohet një element tjetër shumë i rëndësishëm. Është shumë e qartë se kjo vjen si rezultat i axhendës sonë opozitare, e cila sot përfundon me nënshkrimin e një kolacioni të përbashkët përballë një shteti të kapur. Kjo marrëveshje garanton zgjedhje të lira e të ndershme. Në Shqipëri do ketë vetëm zgjedhje të lira dhe të ndershme, që shqiptarët të zgjedhin atë që duan. Kjo marrëveshje është flamuri i shpresës për shqiptarët. Shqipëria është shtëpia e shqiptarëve, kemi për detyrë t’ju garantojmë të gjithë infrastrukturën dhe sistemin e nevojshëm për të qëndruar këtu”, u shpreh Kryemadhi.

Zonja Kryemadhi zgjedhje të lira dhe me Edi Ramën kryeministër sepse z. Spahiu është shprehur me një deklaratë që është i gatshëm të hyjë në zgjedhje dhe me Edi Ramën kryeministër, a kemi një tërheqje të koalicionit opozitar?

Absolutisht nuk ka asnjë lloj tërheqje, këtu nuk është problemi Edi Rama individ, këtu është problemi Edi Rama fenomen. Edi Rama, nuk po flasim për të birin e Kristaqit dhe Anetës, por po flasim për Edi Ramën i cili është telekomanda e krimit të organizuar shqiptar dhe ndërkombëtar i cili e ka kthyer Shqipërinë në kështjellën mbrojtëse të grupeve kriminale.