Flamur Golemi bën diversion në Kuvend ndaj opozitës. Përshëndet vendimin e Ediola Brahës që i mori mandatin Vangjel Tavos, thirrje edhe për mandatin e Tritan Shehut


Na ndiqni në Facebook, Instagram dhe Youtube:
  • Facebook
  • Instagram
  • Youtube

Deputeti i PS-së në Gjirokastër, Flamur Golemi, i cili përflitet kohët e fundit edhe si kandidat i mundshëm për Bashkinë Gjirokastër gjatë fjalës së sotme në Kuvend ka përmendur edhe zhvillimet në listën e deputetëve të Gjirokastrës, ku Ediola Braha e LSI-së mori mandatin e lënë nga Vangjel Tavo.

“Dua të përshëndes vendimin e koleges, e cila sot është deputetja më e re e qarkut Gjirokastër nga lista e LSI-së. Uroj që edhe mandati tjetër që i takon PD-së në këtë qark të zëvendësohet sa më parë”, tha Golemi.

Sigurisht që kjo deklaratë e tij është një diversion i pastër që ai përpiqet të bëjë në radhët e opozitës. Përshëndet Ediola Brahën që theu vendimin e LSI-së dhe i bën thirrje kandidatëve të tjerë në listën e PD-së për qarkun Gjirokastër që të marrin mandatin e lënë nga Tritan Shehu.

Ç’ne kjo ‘dashuri’ e Flamur Golemit për Ediola Brahën apo mandatin e Tritan Shehut?! Përmes kësaj deklarate sot në Kuvend, deputeti i PS-së theksoi më tej dëshirën e mazhorancës për një ‘opozitë të re’ në Kuvend. Në këtë kuptim ajo që ai tha për Ediola Brahën dhe Tritan Shehun s’mund të kuptohet ndryshe veçse diversion, në një kohë kur dihet se ‘opozita e re’ në Kuvend është thjesht formale. Të paktën tani për tani!

©argjirolajm.net