Fatura që po ‘çmend’ rrjetin. Dy kafe dhe dy ujë… 43 euro


Na ndiqni në Facebook, Instagram dhe Youtube:
  • Facebook
  • Instagram
  • Youtube

Një klient i zemëruar ka postuar online një faturë, e cila po diskutohet në mbarë botën. Juan Carlos Bustamente nga Kili, tha se mbeti i shokuar kur mori faturën e kafenesë Lavena në Venecia. 63-vjeçari tha se në faturë shkruhej se duhej të paguante 43 euro për dy kafe dhe dy ujë.

Kafeneja ndodhet në sheshin Shën Marku. Fotoja e faturës së tij është bërë virale në Itali dhe shumëkush thotë se kjo është një vjedhje. Një zëdhënës i lokalit tha se klientët paguajnë më shtrenjtë nëse ulen jashtë lokalit. Ai tha se shpesh ata nuk i dëgjojnë kamarierët kur u thonë se pagesa është më e madhe kur ulen jashtë.

“Thjesht na thonë të largohemi dhe irritohen nëse insistojmë,” tha zëdhënësi. Kjo nuk është hera e parë kur turistët mendojnë se ndjehen të zhvatur në Itali.