Eleminimi i turpshëm nga Europa, s’kanë të sosur telashet për Luftëtarin, vendos të largohet një tjetër futbollist


Na ndiqni në Facebook, Instagram dhe Youtube:
  • Facebook
  • Instagram
  • Youtube

Gjërat shkuan shumë keq për ekipin gjirokastrite në përfaqësimin e tij të parë në Kupat e Europës. Para ndeshjeve Luftëtari konsiderohej ekipi me më shumë shanse kualifikimi për në turin e dytë, por ndodhi e kundërta. Gjirokastritët e trajnerit Kostiç pësuan 8 gola në dy ndeshjet me Ventspils, bënë një figurë shumë të keqe dhe të gjithë i kanë kryqëzuar por shitje të ndeshjes, ndërkohë që tashmë kanë shumë çështje për të zgjidhur. 

E para është ajo me tifozët e Luftëtarit, të cilët e kanë sulmuar ashpër ekipin e tyre për turpërimin që u bëri në Europë, duke shitur nderin. Reagimet kanë qenë edhe më të ashpra pas qëndrimit zyrtar të klubit se “Luftëtari u sulmua nga hienat”. Vështirë që marrëdhëniet të rregullohen pas kësaj që ndodhi.

Një tjetër çështje e hapur është ajo e brazilianit Xhekson, i cili ka vendosur të largohet, por te Luftëtari kanë vendosur t’i vënë një gjobë të majme. Mbetet për t’u parë si do të rrjedhin ngjarjet në këtë drejtim.

Erion Vucaj po ashtu është një çështje tjetër te gjirokastritët. Mesfushori shkodran erdhi në ekip për ndeshjet europiane, që tashmë janë mbyllur. Drejtuesit e Luftëtarit duan ta mbajnë në ekip lojtarin që ishte titullar në të dyja ndeshjet ndaj Ventspils, por gjithçka varet nga Vllaznia, pasi Vucaj ka pasur kontratë me të.