Një person, i paidentifikuar është ulur në mes të sheshit Skënderbej, ndërssa ka refuzuar të lëvizë nga aty pasi sipas tij sapo është liruar nga burgu dhe nuk ka ku të shkojë pasi është i pastrehë dhe pa familje.
“Nuk kam as shtëpi e asgjë, jam i pastrehë. Nuk kërkoj as më shumë e as më pak. Nëse do zoti Edi Rama me gjithë vëllain të më ndihmojë, i lutem shtetit të më ndihmojë. Nuk kërkoj asgjë më të madhe, i lutem shtetit të më ndihmojë, dua të jetoj dhe unë si gjithë të tjerët”, shprehet ai ndërsa pyetet nga policët pse nuk largohet. Këta të fundit më pas shihen teksa largohen, ndërsa në vend janë liruar me leje 3 mujore 570 të dënuar, prej të cilëve 5 gra./ Fax Tv
