Ndërsa shumë shqiptarë kërkojnë të largohen nga Shqipëria, ka të huaj që kërkojnë të kenë një shtëpi në vendin tonë. Sigurisht, ata nuk e duan për gjithë vitin, por për vetëm për të shfrytëzuar periudhat e pushimeve. Në fundjavën e parafundit të tetorit, bregdeti i Durrësit dhe jugut ishin të mbushur me pushues të shumtë.
Kjo ishte pamja e plazheve të Sarandës këtë fundjavë.
Tetori është muaji i turistëve nordikë dhe atyre nga Europa lindore, të cilët më së shumti preferojnë qetësinë.
Ky çift polakësh thotë se ka mbetur aq të kënaqur sa po kërkojnë të kenë shtëpinë e tyre buzë Jonit.
“Po kërkoj një apartament për të blerë në Sarandë, pasi qyteti eshte shume i bukur. Kemi pare tre deri tani, kam pëlqyer dy. Klima, plazhet, gjithçka është bukur”.
Të paktë në numër, por gjeografia e pushuesve shkon deri në Zelandën e Re.
“Ne vijmë nga Zelanda e Re dhe jemi këtu për tre ditë. Saranda ka plazhe dhe vende shumë të bukura.
Nuk mungojnë as pushues nga Kosova apo qytete të tjera të Shqipërisë.
Këto pamje vijnë nga Durrësi(shiko videon).Edhe këtu mbizotërues janë turistët nordikë.
Të tjerët po shfrytëzojnë motin e mirë të fundjavës.
Një pjesë e shfrytëzojnë për shëtitje e aktivitetet fizik, por të shumtë janë ata shijojnë ujin e detit.
Të shumtë këtë fundjavë ishin pushuesit edhe në brigjet e Jonit në Vlorë./ Ora
