Dropull, kryebashkiaku Dhimitraq Toli nis dëgjesat publike për buxhetin e vitit 2020: S’do të ketë rritje të taksave(FOTO)


Na ndiqni në Facebook, Instagram dhe Youtube:
  • Facebook
  • Instagram
  • Youtube

Kryebashkiaku i ri i Dropullit, Dhimitraq Toli, ka nisur dëgjesat publike në njësitë administrative dhe fshatrat e bashkisë për projekt-buxhetin e vitit 2020. Takimet e para janë zhvilluar në fshatrat Vrisera e Sofratikë. Toli ka siguruar banorët se nuk do të ketë asnjë rritje taksash për vitin e ardhshëm, por do të bëhet një punë më e mirë për t’i mbledhur ato dhe më pas për t’i administruar sipas nevojave për investime në fshatrat e Bashkisë Dropull.

Toli tha ndër të tjera se do të shihet mundësia për të ulur apo hequr ndonjë taksë pa impakt në buxhetin e bashkisë. Diskumi është fokusuar edhe tek shpërndarja e investimeve për vitin e ardhshëm.

Kryebashkiaku shoqërohej në këto dëgjesa nga nënkryetarët Panajot Lulo dhe Panajot Dhefto, administratori Thanas Kuremeno, si dhe nga specialistë nga zyra e financës në bashki. Dëgjesat për projekt-buxhetin do të vijojnë edhe në zonën e Pogonit dhe Poliçanit.

©argjirolajm.net