Luftëtari rrezikonte që të humbiste edhe një tjetër lojtar në javën e parë të muajit maj. Aurel Demo, i lindur në Greqi 22 vite më parë, në datën 7 maj duhej të ishte nën urdhrat e shërbimit ushtarak 9- mujor.
Ai dispononin pasaportën helene dhe si çdo shtetas i këtij vendi, i ka ardhur shkresa në ambasadën greke në Tiranës për të krye shërbimin ushtarak.
Mbrojtësi në prononcim e dhënë për “Panorama Sport” rrëfen historinë e tij, ndërsa thekoi se nuk ka në plan që të largohet nga Luftëtari pa mbyllur më parë sezon, edhe pse duhet të bëjë ushtrinë. “Duke qenë se kam lindur dhe jam rritur në Greqi, si unë ashtu edhe familja ime jemi pajisur tashmë edhe me pasaportën e këtij vendi.
Jam qytetar që punoj jashtë shtetit helen dhe duke qenë në marrëdhënie pune, vetëm një muaj kam të drejtë të qëndroj në Greqi dhe jo më shumë. Për Luftëtarin mora këtë vendim që të mos shkoj në ushtri, pasi dua që ta çoj deri në fund këtë sezon dhe jap më të mirën për këtë skuadër”, u shpreh Aurel Demo.
KONTRATA – Veç Albano Aleksit dhe Xhekson Ferreirës, edhe Behar Ramadanit dhe Rustem Hoxhës po u skadon kontrata. Në fundin e këtij sezoni, që të 4 këta titullarë dalin të lirë në treg. Nëse dy të parët duken thuajse të ikur, të paktën referuar ngjarjeve të fundit dhe deklaratave që kanë dhënë pas vendimit që mori klubi për pezullim, ndryshon historia me dy të tjerët.
Rustem Hoxha, lideri i mbrojtjes së Luftëtarit, i pyetur nga “Panorama Sport” për të ardhmen, ka konfirmuar se marrëveshja i mbaron në fund të muaji maj, megjithatë është i paqartë sesi do të procedojë.
“Me Luftëtarin kam nënshkruar kontratën deri në muajin maj, që përkon dhe me mbylljen e këtij sezoni. Pavarësisht shkallës së dëmtimit, do të jem pranë skuadrës në ndeshjet e fundit dhe i gatshëm për të dhënë gjithçka për këtë fanellë. Sa i përket të ardhmes sime, nuk mund të them asgjë. Më duhet që të pres mbylljen e kampionatit, më pas do të vendosim”, u shpreh durrsaku Rustem Hoxha.