‘Bie’ një tjetër drejtor i Zamira Ramit në Bashkinë Gjirokastër, Golemi bën emërimin e dytë


Na ndiqni në Facebook, Instagram dhe Youtube:
  • Facebook
  • Instagram
  • Youtube

Flamur Golemi vijon ndryshimet në Bashkinë Gjirokastër. Pas Teme Seferit sot është emëruar edhe një tjetër drejtor. Seit Rondo zëvendëson Adnand Matushin tek Drejtoria për Administrimin e Pyjeve, Kullotave, Ujit dhe Shërbimit Veterinar.

Në nëntor 2017 Rondo u komandua për pak kohë në krye të Inspektoriatit të Mjedisit, Pyjeve dhe Ujërave në Gjirokastër pas skandalit me Kristaq Thimion. Më herët ai ka punuar edhe ndërmarrjen e Ujësjellësit Gjirokastër.

Tre ditë më parë Golemi emëroi drejtor të Shërbimeve Publike në bashki Ylli Muhon. Lëvizje do të ketë edhe në radhët e drejtuesve të tjerë.

Mbetet për t’u parë nëse ndryshimet do të prekin gratë, për të cilat kryeministri Rama pati dhënë ‘garanci’ gjatë fushatës se nuk do të largohen nga puna me ardhjen e kryebashkiakëve të rinj.

©argjirolajm.net