Në fillim të muajit qershor të këtij viti, ArgjiroLajm.net denoncoi gjendjen skandaloze të një pallati në lagjen ‘Kodra e Shtufit’. Objekti duket sikur ‘noton’ në ujëra të zeza. Pas denoncimit tonë të nesërmen shkuan përfaqësues të ndërmarrjes komunale.  Bënë një ndërhyrje provizore, por situata sot është po njësoj.

Fotot që shihni më poshtë janë shkrepur dy ditë më parë. Rreziku për infeksione apo epidemi është evident, aq më tepër tani në këto ditë me temperatura të larta. A do të kujtohet njeri nga Bashkia Gjirokastër t’i japë zgjidhje definitive këtij problemi? Apo banorët do të vazhdojnë të bashkëjetojnë me ujërat e zeza që enden në sipërfaqe të tokës? 

© ArgjiroLajm.net