Një rrugë në lagjen ‘Palorto’ të Gjirokastrës është rikonstruktuar pasi disa banorë iu drejtuan me një kërkesë Këshillit Bashkiak. Kryetari Flamur Golemi shpërndau disa foto në faqen e tij në Facebook teksa shkruan: 

“Një rrugë e vogël, por që zgjidh shumë punë për banorët e kësaj lagje. Kurrë më parë nuk ishte vënë dorë në këtë segment. Ditë pas dite do të bëjmë çdo përpjekje për të përmirësuar infrastrukturën në të gjithë hapësirën e Bashkisë Gjirokastër”, shkruan Golemi.