Anderlehti merr një vendim për ish-futbollistin e Luftëtarit


Na ndiqni në Facebook, Instagram dhe Youtube:
  • Facebook
  • Instagram
  • Youtube

Debutimi i Kristal Abazajt me fanellën e Anderlehtit, u duk si një sinjal që sulmuesi shqiptar mund të bëjë vend te gjigandët belgë, por mesa duket ajo ka qenë ndeshja e parë dhe e fundit e Abazajt me fanellën e Anderlehtit, të paktën për këtë sezon. Pak kohë më parë, Abazaj ishte jashtë planeve tyë trajnerit dhe po mendohej që të shitej por paraqitjet e fundit me të rinnjtë e Anerlehtit, ka bërë që drejtuesit të ndryshojnë mendim. 

Sipas asaj që raporton ‘Het Nieuwsblad’, klubi i ka komunikuar Abazajt dhe Adziçit që do të largohen këtë merkato në drejtim të një klubi tjetër për huazim gjashtë mujor, deri në fund të sezonit. Drejtuesit insistojnë që Abazaj të qëndrojë në kampionatin belg, në mënyrë që të ambientohet më mirë me futbollin atje.

Duke qenë se me moshat, niveli i futbollit nuk është i lartë, Abazaj ka dhënë miratimin e tij për t’u huazuar në një klub tjetër në Belgjikë, ku mund të ketë minuta në dispozicion. Deri më tani, në drejtim të dy futbollistëve nuk ka ende asnjë ofertë, ndërkohë që po punohet për t’iu siguruar skuadrën e re dy futbollistëve.