Autoriteti Kombëtar i Ushqimit në Gjirokastër ka ushtruar kontrolle në disa subjekte në Përmet, të cilat nuk plotësonin kushtet higjeno-sanitare. Në njoftimin e shpërndarë për mediat, ky insiticion jep emrat e subjekteve, gjobat dhe fotot përkatëse. Standard ky që nuk e respekton kur vjen puna tek subjektet e mëdha që fusin në Shqipëri 27 ton miell të dyshimtë apo tonelata të tjera me pula me salmonelë nga Brazili.
Konkretisht, gjatë kontrollit që DRAKU, Gjirokastër ushtroi në subjektin me aktivitin restorant “Ana Beqiri” Çarshovë, Përmet ku u konstatuan ambiente me myk, lagështi si dhe mjetet e punës në kuzhinë ishin totalisht të amortizuara. Ndaj këtij subjekti u vendos gjobë në masën 300 mijë lekë të reja si dhe bllokim i menjëhershëm i aktivitetit.
Ndërsa në restorantin “Altin Naçi”, Çarshovë, Përmet u konstatua se mungonte gjurmueshmeria dhe etiketimi i produkteve ushqimore. Ndaj këtij subjekti u vendos gjobë në masën 150 mijë lekë të reja.
