Aksidentohet këngëtari i njohur (FOTO)

Në lagjen “Bregu i Diellit” në Prishtinë pak më parë ka ndodhur një aksident. “Indeksonline” bën të ditur se në aksident janë përfshirë dy makina. Sipas dëshmitarëve në vendngjarje, reperi Kastriot Rexha i njohur si Majk është aksidentuar me veturën e tij të tipit Porsche. Si pasojë e aksidentit ka persona të lënduar dhe dëmet materiale janë të konsiderueshme.

Komandanti i Policisë së Trafikut në kryeqytet, Milaim Fejzullahu ka thënë për “Indeksonline” se personi që ka pësuar lëndime trupore është dërguar për në Qendrën Klinike Universitare të Kosovës. Sipas Fejzullahut, aksidenti ka ardhur si shkak i mosrespektimit të shenjave rrugore në trafik.