Aksidenti në Gjirokastër, këngëtari nga Dropulli ende në spital. 6 të plagosurit e tjerë u larguan


Na ndiqni në Facebook, Instagram dhe Youtube:
  • Facebook
  • Instagram
  • Youtube

Një ditë pas aksidentit të rëndë që ndodhi në kryqëzimin e fshatit Dervician në rrugën Gjirokastër-Kakavijë, mësohet se gjendja e 7 të plagosurve është përmirësuar. Spitalin e kanë lëshuar 6 prej të plagosurve, anëtarët e familjes nga Elbasani, e cila ishte nisur me pushime në Sarandë.

Ndërkohë burime të argjirolajm.net thonë se në spitalin ‘Omer Nishani’ në Gjirokastër vijon të qëndrojë këngëtari nga Dropulli, Kristaq Kola.

Ai ka shembje të ndryshme në trup, duke e bërë të detyrueshme qëndrimin e tij në spital edhe për pak kohë. Kola drejtonte automjetin me të cilin u përplas familja nga Elbasani. Aksidenti ndodhi mëngjesin e së hënës pranë fshatit Derviçan.

Në fuoristradën ku ndodheshin gjashtë persona në tentativë për të parakaluar ka goditur një makinë që vinte përballë. Të plagosurit ishin Romina Turkaj, Renato Turkaj, Vjollca Pitja, Agron Pitja, Klaus Turkaj, Ana Turkaj dhe Kristaq Kola.

Dyshohet se shkak për aksidentin të jetë bërë mjeti ku udhëtonte familja që po shkonte për pushime në Sarandë, i cili është futur në parakalim të gabuar. Aksi Gjirokastër-Kakavijë përballet me një fluks të madh automjetesh gjatë sezonit veror për shkak të pushuesve të cilët frekuentojnë plazhet e jugut.

©argjirolajm.net