Aeroporti i Gjirokastrës, Bexhet Çobani: Rama na goditi pas shpine


Na ndiqni në Facebook, Instagram dhe Youtube:
  • Facebook
  • Instagram
  • Youtube

Deklarimi i kryeministrit që aeroporti i jugut do të ndërtohet në Vlorë, dhe jo në Gjirokastër ka indinjuar Forumin e Aeroportit të Gjirokastrës.

Ky forum ekziston prej 17 vjetësh që ka për qëllim, pikërisht sensibilizimin e instrumenteve shtetërore, për rifunskionimin e të vetmit aeroport në jug të vendit qysh në vitet ’30, siç është Aeroporti i Gjirokastrës.

Përfaqësues të këtij forumi në të cilën bëjnë pjesë intelektualë të qytetit kryesisht artistë, inxhinierë, gjeologë dhe nga shoqëria civile, kanë ngelur mjaft të zhgënjyer nga vendimi i fundit i kryeministrit Rama.

Sipas inxhinierit Cobani, terreni i Aeroportit të Gjirokastrës, është i studiuar prej gati 80 vjetësh nga specialistët e atëhershëm italianë dhe ristudiuar duke e nxjerrë si një vend mjaft të përshtatshëm për ulje të avionëve.

‘’Për ne ishte një goditje pas shpine e dyfishtë, pasi ne kemi shumë vite që po punojmë me gjithë faktorët lokal dhe qeveritar për t’u rivënë në punë aeroporti i Gjirokastrës, pasi ky aeropor i plotëson të gjitha kushtet’’,-u shpreh Cobani.

Gjirokastra si qendër rajonale, e ka pasur aeroportin e tij gati 80 vjet më parë, ndërsa sot shikohet si domosdoshmëri, riaktivizimi i tij çka do të përkthehej me zhvillim të përgjithshëm.

Për riaktivizimin dhe funksionimin normal të këtij aeroporti sipas specialistëve nevojiten rreth 5 milionë euro.