Shqipëria i ka mbyllur kufijtë në kuadër të masava për parandalimin e përhapjes së Covid-19. Shumë emigrantë që po kthehen nga Greqia kanë mbetur të bllokuar në Kakavijë, Kapshticë apo pika të tjera kufitare. Të tjerë kalojnë kufirin në mënyrë ilegale.
Top Channel ka intervistuar një të ri nga Berati, i cili kishte mbërritur në Kakavijë me taksi nga Athina. Ndërkohë nga Kakavija në Gjirokastër ka ardhur më këmbë. Plot 7 orë rrugë për të mbërritur në Gjirokastër, ndërkohë që nuk e di ende se si do të mbërrijë në shtëpinë e tij, në Kutalli të Beratit.
Ai quhet Xhulian Kuqo dhe në rrëfimin për Top Channel tregon se këmbët i janë mpirë e nuk mund të vazhdojë më të ecë. Eshtë absurde se si autoritetet shqiptare nuk vënë në dispozicion automjete për transportimin e këtyre shtetasve. Në videon më poshtë shihni rrëfimin e tij të plotë.
©argjirolajm.net
