Studentët e Universitetit ‘Eqrem Çabej’ në Gjirokastër nuk do të kenë ujë në konviktet e tyre nëse Ndërmarrja e Trajtimit Studentor nuk shlyan debinë.
Drejtori i ri i Ujësjellës Kanalizime Gjirokastër, Gentian Llogo, i ka ndërprerë linjën godinës së konviktit të djemve dhe godinës së vajzave pasi debia shkon në rreth 25 milionë lekë të vjetra.
Mësohet se ky borxh i konsiderueshëm është krijuar në vitet 2015-2017.
Nuk dihet përse nuk shlyeshin faturat e ujit dhe ku përfundonin paratë që paguanin studentët apo qoftë edhe fondet që i alokoheshin Ndërmarrjes së Studentëve nga Ministria e Financave. Ndërmarrja e Trajtimit Studentor në Gjirokastër drejtohet nga Doriana Demo prej nëntorit të vitit 2017.
©argjiroja.net
