’18 shkolla të mbyllura në Gjirokastër’, Rama i përgjigjet PD-së: Mos mbroni klasat kolektive, janë një kancer që do ta operojmë


Na ndiqni në Facebook, Instagram dhe Youtube:
  • Facebook
  • Instagram
  • Youtube

Kryeministri Edi Rama ka reaguar pas akuzave të opozitës së ka mbyllur shkollat. Në një status në twitter, kreu i qeverisë thotë se opozita mbron klasat kolektive.

“Të pabesueshme shfaqjet e kukullave opozitare në mbrojtje të klasave kolektive, një kancer që kemi nisur ta operojmë me guxim pasi u zhvillua prej tyre deri në absurd, duke i zhytur fëmijët në terrin e paditurisë dhe analfabetizmit me dëftesë“, thotë Rama.

Më herët gjatë paradites, deputetë të opozitës ishin shpërndarë në zona të ndryshme të vendit, ku kishte pasur klasa kolektive të mbyllura. Ata akuzuan qeverinë pë rrënim të sistemit arsimor dhe paaftësi. Deputeti i Gjirokastrës, Tritan Shehu tha se qeveria ka mbyllur 18 shkolla në gjithë qarkun.