Njeriu zyrtarisht më i vjetër në botë vdiq në Japoni. Chitetsu Watanabe u largua nga kjo botë në moshën 112 vjeç, raportuan të martën mediat japoneze.
Japonezi Chitse Watanabe, i lindur në vitin 1907, kishte marrë certifikatën e Librit të Rekordeve Guinness me titullin si njeriu më i vjetër në botë në shtëpinë e të moshuarve. Sot u raportua se ka ndërruar jetë.
Japonezi, i cili vinte nga prefektura veriore e Niigatas, dikur deklaronte si sekret të jetëgjatësisë së tij pozitivitetin.
Njeriu, thoshte ai, nuk duhet të shqetësohet dhe gjithmonë duhet të jetë i buzëqeshur.
Deri verën e kaluar, Watanabe kishte bërë ushtrime matematikore çdo ditë.
Ai ishte baba i 5 fëmijëve. Kishte 12 nipër e mbesa dhe 16 stërnipër e stërmbesa.
Watanabe kishte ndjekur një shkollë bujqësore dhe kishte shërbyer për ushtrinë japoneze në Luftën e Dytë Botërore.
Deri sa doli në pension, kishte punuar në administratën bujqësore në Niigata.
Më 5 mars 2020, Watanabe do të mbushte 113 vjeç.
